انواع الباترول

باترول HD 

اول مره اسمع به 


يمكن قصدك فتك VTC

اي نوع من انواع الباترول احرص عليه تراه مووووووووتر صح سواء فتك او شاص الفتك او بطل الدروب
احرص على النيسان يامال الغنيمة 

في نوع اسمة hd متاكد تماما بس ابغا اعرف مواصفاته وليش سمي hd وسعرة

طال عمركhdيجي في الجموس والشفرات بس واقوى مكينة في الباترول تسمى فتك هذا اللي تقصده انت يجيك مكينته 4800 تقدر تبحث عنه في النت تجيك معلومات عنه كامله

يرحم والديكم في نوع اسمة hd في الباترول بس انا ابغا مواصفاتها وايش الفرق بينة وبين الانواع الثانية وكم سعرة

معلومات شافيه وكافيه عن   فتك  ماراح تجدها هنا 
هذا المنتدى ينقسم الى ثلاث اقسام قسم تويوتا وهو الاكثر وطبعآ اهل تويوتا معرفتهم مقتصره
على يمسك سعره  والقسم الثاني  اهل هونداي وشايفين انفسهم فقط كلامهم تويوتا اول الان الكوري
القسم الثالث الامريكي متعصبين بقوة سياراتهم مهما كانت موديلها ويستشيظون غضبآ عندما
تقارن سياراتهم بسيارات الياباني والكوري وانا من القسم الثالث
نيسان كل المنتدى مايعرفونه ولاجربوه فقط يعرفون عنه يتفكك كيف عرفو انه يتفكك وهم ماجربوا
مادري  ههههههههههههه
حاول تدخل منتديات اماراتيين راح تسفيد منهم اهل النياسين 

سؤال للي عطاني ديسلايك 
من اي قسم انت هههههههههه
رأي اقوله ولاهمني لايك وديسلاك يالرخمه

اللي يقول 
hd يعني هيفي ديوتي للاستعمال الشاق ابي اعرف من وجاب هالمعلومه
اللي يقول
اي موجوده في الجموس وتعني الاستعمال الشاق انت جبت معلومه من الامريكي الى الياباني من وين حصلت على المصدر ؟
اللي يقول
HD معناها هاي درايف (قياده قويه او بمعنى آخر للقياده الخشنه)" مدري من فين جاب هذي المعلومه

لاحظو كثرة الاجابات بدون المصادر ! لو تسئله من فين جبت هالمعلومه بيقولك موجوده فالامريكي 

انا تابعت عن هذي المعلومه ووجدت احد الاعضاء وضح معنى HD وهذا كلامه ...

HD
تعني
هارد توب
Hard Top
ومعناها باترول ربع
فقط لا ااكثر

يعني ماهو صالون
موجوده في كتلوج نيسان

^^^
اهني هذا العضو اللي جاب المعلومه من مصدر ورده موجود في هذا الرابط

http://haraj.com.sa/114739972/%D8%A8%D8%A7%D8%AA%D8%B1%D9%88%D9%84_%D9%81%D8%AA%D9%83_%D8%B1%D8%A8%D8%B9/

واحد الاعضاء يقول انه مجرد لون وعلامه وشكل فقط لاغير وانه مكينة باترول فتك 2013 نفسه

تحياتي لكم ولمنتدا الاجابات السريعه من اهل الخبره

4739972
هذا رقم الاعلان اللي طرح فيه السؤال عن معنى اتش دي

^^^^^^^
كويس أنك معترف أنك من القسم الثالث وأول مرة اشوف متعصب امريكي يعترف...
لا تحكم على كل المنتدى أنهم ما جربوا نيسان أنا جربت الباترول موديل 2000 والددسن وكلها مواتر كد ولا أحلى...
مشكلة الباترول اللي جربته في البر ضعيف ومكينته قديمة ليست الفتك وكانت تشرب بنزين شرب ولكن يميزها التانكيين البنزين وكنت أول مرة أشوف سيارة فيها تانكيين...
بس ما شاء الله بالخط والقير العادي يعطيك عزم ممتاز...
طبعاً السيارة لخالي وليست لي وما شاء الله علم عياله السواقه عليه...

كلمه حق تقال والله ان الباترول كأنه امريكي في المركب والراحة عكس تويوتا بس في الصبر والله يبطي يجي مثل التويوتا وشكرا

بغض النظر عن معنئ الكلمه بس بعطيك المواصفات اللي يزيد فيها عن السفاري الفل
وهو اصدار نزل في 2014 بالخليج ويتميز

1_ خط كبير احمر زي خط الشاص
2_ رفارف بلون رصاصي 
3_ لون السياره الخارجي بيج
4_ خشب ع الطاره
5_ تمثال نيسان ع الكبوت 

يزيد في السعر ب 5000 عن السفاري الفل

***صدامات بلون رصاصي وليس الرفارف

لو سحمت يا راعي الفزعات 234
هل النوع هذا يتغير المكينة او الاشياء الميكانيكية مثل ان يكون الدفرنس اكبر او يكون سست بدال مايكون يايات

مايتغير شي بتاتا غير اللي فوق